2013ம் ஆண்டு

கூகிள்- சைனா தலைவர் லீ-கை-ஃபாவுக்கு கான்சர் என கண்டுபிடிக்கபட்டது. அதன்பின் தன்னை சோசியல் மீடியாவில் தொடரும் ஐந்து கோடி பாலோயர்களுக்கு  அவர் ஒரு பதிவை இட்டார்.

"இத்தனை நாள் மற்ற சி.இ.ஓக்களுடன் "யார் குறைவாக தூங்குவது?" என்பதில் போட்டி இட்டேன். "ஒர்க் டு டெத்" என்பது என் தாரக மந்திரமாக இருந்தது. இப்போது என் ஆயுளின் 30 ஆண்டுகள் என்னிடம் இருந்து பறிபோனபின் "அந்த போட்டிகளில் எல்லாம் நான் ஜெயித்துவிட்டேன்" என்பதை அறிகிறேன்.

இத்தனை கடுமையாக நான் உழைத்திருக்ககூடாது. இனிமேல் என் குறிக்கோள் நிறைய தூங்குவது, நன்றாக உடல்பயிற்சி செய்வது.."

ஒரு ஐரோப்பிய ஆய்வில் வேலை நேரத்துக்கும் புரடக்டிவிடிக்கும் எதாவது தொடர்பு உண்டா என ஆராய்ந்தார்கள். அதில் வேலை நேரம் கூடுதலாக இருக்கும் நாடுகளான கிரேக்கம், ஹங்கேரி, போலந்து ஆகியவை புரடக்டிவிட்டில் கடைசியில் இருந்தன

இருப்பதிலேயே குறைவான வேலைநேரம் இருந்த நாடுகளான நார்வே, ஜெர்மனி, நெதர்லாந்து ஆகியவை புரடக்டிவிடிட்டியில் முதல் இடத்தில் இருந்தன

எத்தனை எத்தனை பணிநேரம் கூடுகிறதோ, அத்தனைக்கு அத்தனை புரடக்டிவிட்டி குறையும்.

குறைவான நேரம் வேலை செய்தால் "இருக்கும் வேலைகளை டக் என முடித்துவிட்டு வீட்டுக்கு போகலாம்" என சொல்லி ஆர்வமாக வேலை செய்வோம்.

பன்னாட்டு கம்பனிகளில் இப்போதுதான் இதை எல்லாம் உணர்ந்து மாற்றஙளை செய்து வருகிறார்கள். ஆனால் இன்னமும் நம் மக்கள் "அதிக நேரம் வேலை செய்வதுதான் சுறுசுறுப்புக்கு அடையாளம்" என நினைத்துகொண்டிருக்கிறார்கள்.