சிறந்த பேச்சாளனாக மிகவும் ஆசைப்பட்டேன்
அதற்காக நல்ல வார்த்தைகளை தேடினேன்
வார்த்தைகளை பிடிக்கும் தூண்டில் செய்தேன்
எதுகை மோனை கொண்ட சொற்களை சேகரித்தேன்
சொற்களைக் கொண்டு கோலம் போட்டேன்
சொற்கள் மூலம் ஜாலம் காட்டினேன்
வார்த்தைகளில் ஏற்ற இறக்கம் காட்டினேன்
வார்த்தைகளில் வளைவு சுழிவு காட்டினேன்
சிறந்த பேச்சாளான் என்பவன் ஊமை என்ற மிகப் பெரும் உண்மை தெரிந்த பின்
மௌனத்தை மனம் நாடுது
மௌனமே சிறந்த மொழி என்றும்
மௌனமே சிறந்த வெளிப்படுத்தல் என்றும்
மௌனத்தில் நிறைந்திருக்க பார்க்கிறேன்
நூறு சொற்களுக்கு பதில் ஒரு சொல் பயன்படுத்த முனைகிறேன்
ஆயிரம் வார்த்தைகளுக்கு பதிலாக ஒரு வார்த்தை சொல்ல முனைகிறேன்...
மௌனம் உறவுகளை பலமடங்காக இணைக்கும்
